立法會選戰開波在即，前日截止選民登記，下一個大日子係開始提名期，相信有意角逐直選議席嘅人，肯定會早日發動宣傳攻勢。自由黨主席田北俊如無意外，好可能參與直選，喺新界東出擊。坊間傳聞，田少最近想搵一位「形象顧問」，希望有利佢喺直選時建立更佳嘅形象拉票。使乜吖，只要不斷喺街邊播佢發動七七事變當日嘅英勇發言，咪掂囉，不過就因住刺激到祖國發爛渣喎。
田少嘅形象擺明係富家子弟，做過一日英雄，取態亦好清楚，應該毋須搵顧問幫手。不過，八方相信田少只係想搵一位同傳媒關係良好嘅顧問，以便執番靚仔少少，爭取更多游離中產及草根票源，增加勝算。講到底，田少有的是錢，但輸不起面子，飛哥翻車，殘骸在前，實在更不容有失。
（圖左）田少對於立會選舉，不容有失。
傳真︰2623-9278
電郵︰