身處上海公幹中的小弟，仍在等待一剔中國發出的「媒體證」，希望可以去到MJ展覽；但知情人士告知，機會相當渺茫，因為國內不少「強勢媒體」排晒隊等住去，又點輪到我呢啲香港網站人進場呢？可能上到北京都係得個桔，但我唔會放棄嘅！
今次MJ亞洲之行嘅宣傳其實幾得意，各地都有不同特色。中國方面，可能MJ只在北京公開露面，我剛去完廈門、杭州和上海都冇乜聲氣；但新浪網的宣傳就的確做得很好，而我亦最期待北京的展覽會，想睇吓中國收藏家去到哪個地步。
香港的宣傳比較低調，全靠一剔香港網站，很奇怪報章雜誌的報道都不太起眼。不過佐敦盃搞網上問答送飛嗰日確係勁，我用一小時抽十幾次都唔中，最奇怪係中獎的人全在下午一點十分左右，邪！不過我好欣賞今次派飛印名印身份證號碼的做法，可杜絕黃牛；聽講黑市價五千蚊兩張，MJ冇份打都咁貴，勁！
台灣就最過癮，幾乎日日都有新聞，發放者係一剔台灣的銷售經理黃小姐。今日講吓可能冇總統套房畀佐敦住，要同外交部交涉（𠵱家確定咗住晶華），聽日又話佐敦食嘢冇特別要求，食漢堡包都ＯＫ。更提早爆料話會有AJ20展出，又有AJ19白紅色都市版首賣，你話幾令人期待呢！
黃小姐，想MJ對台灣留下美好印象，（蔡瀾口脗）買鼎泰豐小籠包、加埋鴨舌同阿宗麫線畀佢食啦。包冇錯！
Hleung──波鞋網站
Email: