5.1DVD影音系統，為大家帶來高階的影院級影音享受，不過隨之而來就係走線的問題，又話入牆、又要走地氈，真係夠晒麻煩。
日本Pionner網上公布，將於6月推出一部全新無線5.1DVD影院組合──HTZ-525DV；此機最強之處，是全套5.1喇叭都係行2.4GHz的無線數碼制式，雖知現時一般無線電話都係用緊1.6-1.8GHz，音質上有絕對的提升；又如果你咁唔好彩，DVD機的無線訊號同其他家居無線產品，出現Jam線情況，佢亦有跳頻功能，自動轉至另一個頻道，大家可以安安樂樂咁享受影音之樂；HTZ-525DV其他功能還包括有AM/FM收音機、CD-R/RW播放、MP3/WMA數碼音樂播放，同JPEG數碼相片觀賞等功能，真係幾全面，HTZ-525DV預想價為76,000日圓，折算港幣為$5,320，以同功能5.1DVD套裝嚟講唔算太貴。
記者：朱崇德