就嚟臨盆嘅新一任廣告女王菜菜子，𠵱家梗係匿喺屋企專心待產，但係fans仍然可以成日喺電視上見到佢嘅新廣告，證明菜菜子份人好有準備，個肚未好大之前已經拍定大堆廣告，幾年冇工作都衣食無憂。
之前幾個廣告，淨係見到菜菜子個靚樣，不過一個較為近期推出嘅生茶廣告，終於俾我羅拉見到菜菜子個微隆嘅肚啦！
聽講呢個廣告係菜菜子早排喺沖繩鄉間秘密拍攝嘅，無論點樣化妝打燈，大家都肯定留意到菜菜子發福咗唔少，除咗塊面同條腰多咗唔少肉之外，佢個車胎肚重喺一場踩單車嘅戲份現晒形！
菜菜子如果唔係有咗，以呢個look去做廣告代言人，當然扣晒分啦。不過𠵱家個個fans都好想睇佢變肥師奶個樣，所以菜菜子今次亦好樂意着得娘啲，同大家分享佢做媽媽嘅喜悅！