古巨基前晚在灣仔會展舉行「拉闊音樂會」，邀請了鄭中基擔任嘉賓，周慧敏與倪震、鍾鎮濤和黃伊汶等均有往捧場，現場九千多座位則全部爆滿。
當基仔答謝歌迷的支持時，彎腰鞠躬達半分鐘，仰起頭來見他哭得淚流披面，基仔說：「我舊年回歸樂壇，攞起支咪時好有信心，但心情好忐忑，直到出唱片，後尾喺叱咤攞獎，到𠵱家唔夠一年就做拉闊，重座無虛設……」未說完基仔即忍不住狂哭，哭得面容扭曲的他說：「我真係好鍾意好鍾意唱歌㗎。」全場觀眾拍手歡呼，場面感人。
事後問基仔為何不請周慧敏合唱？他說：「佢唔肯呀，我話唱佢首歌，佢話不如我唱時影住佢。」此外，前晚做完拉闊嘉賓的鄭中基，昨與李彩樺到沙田出席護苗活動，問到其十月演唱會檔期讓了給許冠傑，他說：「我本來開六場，但覺得唔夠新歌，做都冇意思，咪延期囉。」
採訪：李珮洳、陳梅香 攝影：林德雄
