藍潔瑛前晚在《心晴行動抗抑鬱》進行期間忽然在鏡頭前暴走，影響無綫直播節目運作。林建明昨除揚言不滿無綫為何沒加以阻止外，更對藍潔瑛的行為感到不滿。
繼李文彪前年在無綫直播《星光熠熠耀保良》期間失控衝上台後，備受抑鬱症困擾的藍潔瑛，前晚在將軍澳電視廣播城舉行的《心晴行動抗抑鬱》中亦有出人意表的舉動，她於司儀沈殿霞（肥姐）和王賢誌介紹節目時，忽然邊笑邊拍手衝出來過鏡，大大影響無綫直播節目運作。
「心晴行動」發起人林建明（沙姐）為了幫助藍潔瑛而替對方爭取演出機會，奈何藍潔瑛卻「唔生性」，令沙姐極為不滿，昨沙姐在電話中說：「作為『心晴行動』主席，我好唔滿意點解無綫當時冇工作人員攔住佢，咁容易俾人走出嚟影響直播節目。我亦好唔滿意走出嚟嗰個人，點解佢要咁做，究竟佢係乜嘢心態，係唔覺意定係有心，我一定會去了解吓。」
原來王賢誌和肥姐於事發時完全不知道衝出鏡的是藍潔瑛，王賢誌昨日說：「我重以為係現場觀眾，不過突然有人衝出嚟我都唔係好驚，工作人員就驚啲，因為今次事件佢哋要負責，佢哋工作係要維持節目出街順利。」
此外，梁家輝被問到是否有情緒病時，他不置可否地說：「大部份演員都有啦，我冇時間睇醫生，我可能係中年危機，有焦慮症，有時睇到啲撞車新聞，都會一日打成八次電話畀老婆同啲女，叫佢哋小心揸車，打到自己都覺得好煩。有時又發夢叫camera叫cut，但未嚴重到睇醫生。」不過據沙姐透露，經過前晚的節目後，不少患有情緒病的藝人已答應睇醫生診治。
採訪：戴彩煥、
卓寶花、卓美娟
攝影：陳偉權
