伊東美咲同長谷川京子嘅師妹山田優，最近除咗進軍影壇，得閒又食老本拍吓廣告搵真銀。身為佳麗寶化妝品代言人嘅阿優，最近順理成章做埋該品牌嘅太陽油代言人。新廣告一出，最大反應嘅反而係一眾男士，因為廣告入面，着比堅尼嘅阿優自己除肩帶，展示冇泳衣印嘅肌膚，難怪班男fans個個流晒口水咁大嗌阿優好鬼正。