立法會沙士聆訊委員會好戲連場，既要搵出邊個要為爆發疫症負責，亦要揪出邊個議員洩密，向《明報》爆料指沙士英雄沈祖堯要為重開威院8A病房負責，搞到中大醫學院天怒人怨。事件高潮迭起，醫學界立法會議員勞永樂噚日向報業評議會投訴，指《明報》明知誰是洩密者，仍有一啲報道猜測勞永樂可能係洩密者，勞醫生質疑《明報》咁做有違專業操守，有損佢聲譽。
《明報》亦唔罷休，隨即作出三點聲明，話記者只係根據議員言論報道，該報嚴格遵守不能披露資料來源原則，故雖然明知邊個係洩密者，都唔能夠喺報道入面透露任何蛛絲馬迹，反指勞永樂嘅批評，只係對新聞專業操守嘅無知同誤解。
傳真︰2623-9278
電郵︰