唔少人都會有錯覺，以為開倉賣的貨品都是一些過時月下貨，但其實開倉的理由唔一定清舊貨，就好似床上用品名牌CASABLANCA，由於要搬倉清貨的關係，唔少貨品都會以低至二折發售。當中更不乏夏天冷氣被、法國螺旋香薰枕這類合時新貨，開倉價不用一百元便買到，打算轉番張新冷氣被就要趁手。
記者：尹珊珊 攝影：楊錦文
模特兒：Mandi、Ivy（RichStrategy）
大熱天時開行冷氣睡覺固然夠爽，但一不小心就好易冷親。這張質地柔軟、厚薄適中的冷氣被，最適合夜晚開大冷氣時使用，其尺寸有單人、雙人及加大可選，最特別是每張被都印有唔同Pattern，既有充滿夏日風情的水果圖案，亦有嬌俏的花花式樣，連被袋都可以慳番唔使用，污糟咗成張放入洗衣機清洗即可。
尺寸：60×90吋 原價：$369 開倉價：$80
尺寸：70×90吋 原價：$389 開倉價：$90
尺寸：80×90吋 原價：$399 開倉價：$100
姆明一向有大把小朋友鍾意，好似呢張印有姆明家族的中童冷氣被，市面比較少見。其尺寸為46×48吋，並有不同款式可選，最適合買畀小朋友，如果襯埋成套姆明床笠一齊用就最正。同場重有大熱的ClassicPooh冷氣被可選擇。
原價：$268
開倉價：$88
枕頭推介
平日工作壓力大，搞到無覺好瞓，這個法國螺旋香薰枕啱晒你。薰衣草可鎮定神經，幫助入眠，當香味減退後，重可放入新香包，整污糟了又可以放入洗衣機清洗，夠晒方便。
原價：$198
開倉價：$80
FORCETECH天使枕，具備了記憶功能，可感應體溫來調校枕頭的軟硬度，等你每次睡眠時，都可以感受到最舒適的狀態。平時一個要買成四百幾蚊，開倉期間以三折價便購買得到，預計必成大熱搶手貨。
原價：$469
開倉價：$150
這個壓縮透氣枕的高級全棉布，採用高密度及經特殊防漏防火處理，柔軟舒適之餘，重可以成個枕頭放入洗衣機清洗，不妨趁平買定多幾個。
原價：$198
開倉價：$80
功能性高的枕頭固然多人爭，但這個ClassicPooh的方形咕𠱸一樣受歡迎。除售價比市面平一大截外，用途亦相當廣泛，放在睡床、客廳同書房都咁合用。此外，同場重有$10一個的長形攬枕可選，抱住來睡覺夠晒舒服。
原價：$79
開倉價：$20
床笠枕袋系列
這套孩子氣十足的小白豬床笠套裝，以100%全棉製造，手感舒適柔軟。現時開倉價包埋一張多用被，而且任何尺寸都是均一價$199，認真物超所值。
床笠、枕袋連多用被
原價：$1,188 開倉價：$199
這套帶點懷舊氣味的幾何圖案床笠，以乾淨利落的幾何線條配襯純白一色，簡單得來別具風格。𠵱家無論任何尺寸都同樣售$60，不妨多買一套平日替換。
床笠連枕袋
原價：$289
開倉價：$60
以卡通人物掛帥的床笠一向甚受注目，今期當旺則首推有小田鼠，據說其知名度在日本比起哈姆太郎重要高，來頭實在不容小覷，醒目的小朋友自然識貨，任何尺寸均以$288發售。
床笠、枕袋連智慧被
原價：$1,558 開倉價：$288
長青格仔圖案勝在簡約大方，幾時都咁襟興。好似呢套格仔床笠套裝，便有齊上述優點，質料採用100%全棉製造，最適合講求實而不華的人選用。
床笠、枕袋連多用被
單人原價：$1,188 開倉價：$329
雙人原價：$1,298開倉價：$359
CASABLANCA搬遷開倉
日期：即日起至5月30日
時間：星期一至五上午11時至晚上7時
星期六上午11時至下午4時
星期日中午12時至下午5時
地址：新蒲崗五芳街10號新寶中心2樓（鑽石山地鐵站A2出口）
紅磡國際都會9樓931號舖（紅磡火車站對面）
電話：23061699
付款方法：現金，購物滿$600可以信用卡付款。