范徐麗泰噚日喺銅鑼灣出席「SMS短訊傳情大賽」記者會，同場有隊小妹妹組合Cream，范太表示佢對SMS有一件印象好深嘅事件，事緣有一個星期三立法會開例會，因為開會期間係禁止有電話聲，但整個過程佢都不斷聽到嘟嘟聲，而自己又唔知啲聲從邊方面傳嚟，結果由涂謹申議員向佢講解呢啲叫SMS，佢先恍然大悟。然後重話一定要學，因為冇乜時間見仔女，打電話又驚阻住佢哋做嘢，所以傳短訊幾好，現代科技效果令各人成日對住部電腦sendemail，人與人之間距離愈來愈遠，但利用現代科技喺心血來潮時send個短訊畀家人，又可以令一家人樂融融。
（圖）范徐麗泰獲小妹妹組合Cream送贈幸運星。 仇志德攝
傳真︰2623-9278
電郵︰