特首辦請助理管家，人工都唔錯，喺𠵱家咁差市道都有三萬銀一個月，都咪話唔吸引，但八方問咗個做開酒店餐飲業老友，份工算唔算吸引，佢老哥睇完話又唔係真係咁正，除咗要有十年經驗，當中又要有五年做過高級酒店助理總廚，又要有晒正式餐飲業「沙紙」，重要粵、英、普通話流利，學佢老哥話齋：「同考狀元條件有得揮，我有咁好條件，都唔怕搵唔到工。」
但最令佢頂唔順係要住宿舍兼夾隨時開工，你知我哋特首老人家出名7.11，呢排開工可能重夜。再加埋佢位愛人董太出名樣樣要精，坐飛機都要A1位，諗諗吓呢三萬唔易賺。
傳真︰2623-9278
電郵︰