行政會議召集人梁振英與民主黨嘅羅致光、民運人士劉山青有甚麼共同之處呢？CK（羅致光）昨日告訴八方，原來三人都是英皇書院嘅同屆同學。八方都睇唔出，喺大陸坐過政治監嘅劉山青，同反對台獨嘅梁振英，竟然係同一間中學出身，重係多年嘅朋友㖭。
CK話，梁振英同劉山青喺讀中學嗰陣時，都唔算係啲風頭躉學生。梁振英無喺英皇讀中六，所以無點搞過學生活動，佢喺中學無乜花名，大家都只係叫佢做「阿英」。
不過，佢哋三個舊同學，最近無乜機會一齊碰面。CK話，上年十一月一日，劉山青曾同佢講，「阿英想搵我哋去飲茶！」但十一月一日係CK生日，所以CK就冇去；劉山青事後同佢講，原來梁振英自己反而唔記得咗去飲茶，放咗劉山青飛機。
CK重話，有意接手佢立法會議席嘅社會工作者總會會長張國柱，都係同屆中學同學。
傳真︰2623-9278
電郵︰