噚日話潮州怒漢詹培忠如果選輸今年九月立法會，就會離港避世，咁啱八方又見到勞斯詹。佢話冇同人咁講過此事，除咗老婆。但勞斯詹依然信心十足，上月特登拜訪以前喺立法會共事嘅財政司司長唐英年，以及證監會主席沈聯濤，同佢哋打定招呼，咪等對方以為佢想返立法會復仇。
勞斯詹又估計對手之一KB馮嘅自由黨同仁，包括批發零售嘅周梁淑怡、旅遊界嘅楊孝華同埋飲食界張宇人都會俾人狙擊，未必可以順利連任。咁啱，上屆選過直選嘅馮兩努行過，勞斯詹話隨時可捧佢出嚟，同張宇人砌過，但馮兩努笑騎騎走開，唔知係咪想避免捲入呢場爭端。
傳真︰2623-9278
電郵︰