容祖兒、陳奕迅（Eason）、2R、吳浩康等人昨日到沙田馬場出席「群星共賀百老匯」綵排。
2R昨日表示第二次入馬場，所以對賽馬認識不深，Race說：「我之前有一次同朋友爭論緊一樣嘢，咁啱電視做緊賽馬，我就同佢一人選一隻，贏咗嗰個做決定，點知我贏咗，佢重要請我食飯㖭。」Race謂後來得悉原來第一次買馬都會贏，早知當日入馬會投注，幸好那隻馬賠率是大熱，故也沒有蝕的感覺。
Race又說：「我平時都唔留意賽馬嘅嘢，一啲認識都冇，唔知賭馬係好定唔好喎，不過始終賭博嘅嘢唔好咁投入囉。」
此外，祖兒早前在拍攝個人VCD時，因提及於日本工作的男友時感觸落淚。她昨日表示自己與男友不會常常見面，而對上一次見面是幾個月前，她說：「我同佢喺螢幕上就會日日見，呢種相處方式都幾特別呀，日日見會悶㗎。」
採訪：王連連 攝影：陳慧安