陳昭昭、組合Cookies和蕭正楠前晚往旺角，出席新片《失驚無神》首映禮。Cookies的Kary缺席，故只有三餅到場，而Theresa以短髮造型示人，十分清爽。Stephy談到半年前拍攝該戲時說：「我好怕見到自己半年前個樣，會精神緊張，嗰陣我同Theresa返內地拍，一齊住一間房，廁所透明嘅，大家肉帛相見，我重幫佢屁股搽跌打酒。」
而陳昭昭則透露早前計紫微斗數後，決定改名，她說：「只係唔要個姓，就咁叫昭昭，因為之前三個字筆畫總數惹是非，我又冇露過點，又冇拍三級片，人哋都覺得我係豔星，改咗名後會有領導才能，未來幾年都好好。」
採訪、攝影：魯萍