民主黨李華明無回鄉證，想返內地食荔枝都無辦法，但原來肥仔明讀中學個女，同中央關係好密切，更有機會七月上京見領導人！肥仔明話，佢個女最近報名參加咗個中港澳三地學生交流團，行程更包括見領導人。
其實，共產黨都幾「進步」，上一代嘅恩怨就由上一代解決，絕不會株連九族。有行家勸肥仔明，不如借個女「過蹺」，加入埋個交流團，向中央申請個一次通行證，不過肥仔明婉拒行家嘅好意：「嗰陣時（七月）鬼得閒咩？」
八方記得讀書嗰陣，都有同學參加類似交流團，當時在位嘅江主席一次過接見咗五百個學生仔。唔知肥仔明個女，有無機會當面同胡主席爭取雙普選？
（圖）李華明（左）雖然返唔到大陸，但個女（中）就可以見埋領導人。右為他的太太。
傳真︰2623-9278
電郵︰