張栢芝和吳彥祖等前晚出席新片《旺角黑夜》特別場，栢芝表示甚有興趣參演徐克計劃開拍的林青霞傳，因她一向視青霞為偶像，更自言十分羨慕青霞有個幸福家庭。
張栢芝、吳彥祖、方中信、羅嘉良、錢嘉樂、蕭定一和寰宇老闆林小明夫婦等，前晚在灣仔會展出席新片《旺角黑夜》特別場，導演爾冬陞表示電影將於下周四在香港和內地同日上映，他說：「內地電檢時，我哋剪咗一啲暴力片段，淡化咗劇情。」
栢芝前晚穿上便服出現，對於徐克有意開拍林青霞傳，並屬意栢芝演出，她說：「如果可以拍到係一個榮幸，青霞一直係我偶像，不過𠵱家我未收到任何通知，我對青霞最深刻印象係佢演過嘅電影《窗外》，佢唔止外表靚，內心都好靚。」
問到栢芝可覺青霞當年與秦漢的愛情很轟烈，她說：「我鍾意偶像係唔會理佢嘅私人感情，呢啲係佢嘅私人空間。」栢芝當年出道時被指貌似青霞，但她說：「我最希望可以似青霞有個幸福家庭，幾個可愛嘅小孩。我覺得喺娛樂圈工作表面風光，背後其實好辛苦，我希望將來有錫自己嘅老公同幸福家庭，冇錢都唔緊要。」
此外，吳彥祖表示近日已恭賀陳奕迅將做父親，他說：「我有排都未做爸爸，等事業穩定啲先。」至於近日跟李彩樺（Rain）傳緋聞的蕭定一，對報道指他為女方支付兩萬元租金，他說：「兩萬對我嚟講係好多錢，我畀唔起，我同阿Rain發展嘅機會好微。」
採訪：陳梅香 攝影：林德雄
