噚日出席一個捐款儀式，主角係出名愛食魚柳包嘅富豪、麗新集團主席林百欣（林伯）。佢將五十萬捐畀「綠的歡欣」，以推動本港綠化環境工作；大家或者對「綠的歡欣」唔多認識，其實呢個組織大有來頭，名譽顧問為董太趙洪娉，主席為譚惠珠，委員會成員還包括王䓪鳴、鍾逸傑、馮國經、簡基富、梁振英、藍鴻震、陳甘美華等，早於二○○○年成立。
據董太喺現場講，前排帶領十位會員自費到日本考察，睇吓人哋點樣美化環境，希望從中偷師為香港添加綠化環境。林伯同八方講，今次係董太介紹佢贊助呢個機構。
這類畀面派對獲富豪捐款係意料中事，但八方覺得只有林伯一位捐，莫非A1的號召力大不如前？
（圖）董太（左）向林伯（左二）詳細介紹日本遊詳情。旁為林建高（中）、譚惠珠（右二）及陳甘美華（右）。
程志遠攝
傳真︰2623-9278
電郵︰