「我見到巴士車頭有個人影閃過，跟住好快就『嘭』一聲，架車衝埋嚟，我當堂嚇到呆咗。」奇華餅店女職員陳小姐昨晚向記者描述門外車禍那一剎情景時，仍然猶有餘悸。
陳小姐說，當時，她與另外一名女職員在店內招呼數名客人，其間，她瞥見門外一輛巴士在轉彎，心裏已經「打咗個突」。「因為當時架車好快，跟住有個人影喺車頭閃過，架巴士好似追住個人影，跟住嘭一聲衝咗埋嚟。」她向記者說，當時店內的幾個人，都嚇到「呆咗」，其間有人不停大叫，然後從店門飛奔而出。「我知道架車夾住個人，但嚇到唔敢去睇。」
「我親眼目睹架巴士撞低個女人，架車重噴咗好多黑煙出嚟。」威靈頓街一家眼鏡店的職員黃先生向記者表示，意外後他奔向餅店門外，目睹傷者夾在巴士及餅店的牆中間。「佢暈咗，成身都係血。」黃先生說，當時，巴士上跑下十多名乘客，有人拍司機位車窗大叫：「你夾住個人呀，快啲報警啦。」有途人示意司機駕車退後，但司機像嚇到「呆咗」，毫無反應。
在威靈頓街經營報檔的朱先生說：「我當時背對住德己立街，完全唔知乜事，但係成條街啲人又叫又跑，嚇到我即刻回頭望，先至見到架巴士撞咗入奇華。」
本報記者