與三索女連番情慾戲　累！
吳嘉龍至冧河利秀：佢最正

吳嘉龍、李嘉慧及陳嘉容等人昨日往尖沙嘴出席運動品牌新裝活動。有份演出電影《桃色》的吳嘉龍表示與三位女角都有情慾戲，他大讚三人表現專業，拍攝時沒有尷尬。而三位女角中，他認為最有吸引力的是變性人河利秀，還大讚對方「靚女」又聰明。

吳嘉龍、名模李嘉慧及陳嘉容昨日往尖沙嘴，出席Puma全新系列「Mahanuala」的宣傳活動，他們並在瑜伽高手黃佩霞領導下，示範瑜伽動作。

日拍十小時
有份演出楊凡新片《桃色》的吳嘉龍，同時接拍另一部電影《借兵》，他稱一天拍十個小時戲令他大感疲倦，他說：「不過都係值得嘅，《桃色》呢部戲對我好緊要。」他稱與《桃》片三位女角均有情慾戲份，但三人都表現專業自然，拍攝時毫無尷尬。

明父親心意
記者請吳嘉龍品評三位對手，他對松坂慶子及河利秀均讚不絕口，他說：「松坂慶子好專業，化妝同set頭都係自己搞掂，而我覺得河利秀係三個之中最靚、身材最好嘅，佢好有吸引力，好聰明，識講多種語言，同埋我好佩服佢唔理周圍嘅人嘅睇法，作出咁大嘅決定（變性）。」
早前有報道指其父吳耀漢反對他接拍《桃》片，吳嘉龍說：「爹哋係緊張同擔心，但係我覺得呢套戲真係好有挑戰性，爹哋批准我入呢行後，就話以後要靠自己，佢唔會幫我。」 採訪：JessicaNgan
攝影：ChenWaiOn