即將喺漢城舉行嘅2004年機械人大賽，以鵲橋相會為題，要參賽者製作機械牛郎，鬥快將禮物搬過鵲橋，送畀織女。
港台喺香港先搞咗個選拔賽，名為「全港大專生機械人大賽──鐵甲情緣」，吸引咗十二隊隊伍參加，下月二十號比賽，勝出隊伍會代表香港出賽。
科大「火雞至高大聯盟」嘅三名成員中，有兩個係女生，讀電子工程嘅「小鬼」劉嘉麗，話佢哋已經砌好個機械人，不過為免俾對手偷橋，噚日只係畀少少人睇。小鬼話，機械對佢嚟講早就駕輕就熟，「我細個時唔玩公仔，最鍾意係拆散啲模型車，之後砌番，不過成功率只有七成，所以成日俾阿爸鬧。」
傳真︰2623-9278
電郵︰