【本報訊】一般人聽到伸展，總會先聯想到做劇烈運動前的準備工夫，但原來伸展並非只局限於「伸伸腳、拉拉筋咁簡單」，五年前引入香港的「主動個別伸展法」（ActiveIsolatedStretching，AIS）就對中風及患骨質疏鬆症的病人有治療功效；其關鍵在每個動作的靜止時間甚短，只需兩秒，有別於一般伸展停留十至三十秒的要求。 記者：張嘉雯
「個脊醫話佢盆骨高咗啲，類似扁平足，睇咗一年有啲改善，後尾無時間就冇再睇。」曾太的七歲女兒年多前因為經常跌倒，向脊醫求助，但療效並不明顯；早前接觸到主動個別伸展法，六次治療後開始有效。
「如果佢腳嘅關節唔放鬆，啲力就會由膝頭同埋盆骨承受。」本港首個教授「主動個別伸展法」的教練ChrisWatts解釋，在進行主動個別伸展時，可以把氧氣帶到筋膜，透過淋巴系統同血液循環系統，把廢物帶離身體，改善關節的活動能力。他強調，傳統伸展運動要求肌肉拉動十至三十秒，會對肌肉本身造成破壞，「咁長時間伸展，會令到另一邊嘅肌肉收縮、產生對抗力，產生二氧化碳及乳酸。」
「主動個別伸展法」要求伸展者的動作稍稍超越極限，在伸展的同時，配合呼吸節奏，以改善細胞之間的溝通，令關節表面及深層活動更靈活，對脊骨、背部、扁平足、網球肘、運動員、經常用腳指尖站立的舞蹈員、骨質疏鬆症患者及中風病人都有幫助，「就好似中風病人咁，呢種伸展可以重新教導佢嘅神經系統同埋細胞、肌肉系統協調。」
ChrisWatt補充，該伸展方法對經常使用電腦鍵盤、手指關節較硬的上班族亦有療效，「如果伸展做得唔好、唔夠，血液去唔到嗰部份，咁啲養份去唔到，亦吸收唔到氧氣。」所有求診者在伸展前都要先接受檢查，教練會在不同的平面分析求診者的骨架是否有轉動，肌肉是否強壯等。ChrisWatt稱，伸展的動作非常安全，教練也絕不會進行手力治療。
理工大學康復治療科學系吳賢發教授表示，「主動個別伸展法」並非本港物理治療師常用的方法，「淨係維持兩秒對身體應唔會造成危險，但未必能造成流體彈性（viscoelastic），即係達唔到個效果。」吳賢發解釋，一般的伸展運動對運動員、骨質疏鬆症或中風者均有幫助，但提醒巿民在伸展時要保持肌肉放鬆，以免受傷。