除PSP外，SCE另一重點肯定係《GT4》，之前玩過《GT4Prologue》嘅機迷，雖然之前都睇過唔少官方公布嘅圖片，不過實際「跑得」嘅賽道當然又有另一番感受，現場中唔少人都以香港賽道試玩，不過賽道難度跟想像中一樣咁高，多個90度急彎好考功夫，幸好賽道景色一流，尖沙嘴一帶燈火通明，睇住熟悉嘅招牌，一轉彎又會見到文化中心、太空館等景點，最可惜係海旁一段未有Update，星光大道無緣相見，希望11月正式版推出後會更新喇。
除咗香港賽道，另外重加咗條意大利同德國紐登堡賽道，好有歐陸Feel。而車種則增加至250款，預計正式推出時，將會有500架跑車登場，真係有排玩。現場還公布《GT4》新模式，就係正式落實6人網上連線對戰，不過最吸引都係接駁打印機，將自己架心愛跑車配上靚景印出嚟，又或作相片儲存喺記憶卡，再以SlideShow播放，就如電子相簿一樣！
