早前回巢BMG再戰樂壇、現已三十六歲的鄭伊健，再提到四年多前梁詠琪（GiGi）介入他與邵美琪戀情的「奪麵雙琪」事件，伊健堅持當時的決定沒錯，更坦言希望四十歲成家立室，迎娶GiGi。
早年發生「奪麵雙琪」事件之後，梁詠琪（GiGi）與鄭伊健的事業一度陷於低潮，不少人會同情「輸家」邵美琪，早前邵美琪有份提名金像獎「最佳女配角」，GiGi被記者問及對「最佳女配角」有何看法時，她欲言自止，似乎對「邵美琪」的名字十分避忌。
問伊健會否為此開解GiGi？他卻反問記者說：「如果你曾經試過俾人傷害，之後人哋不停係咁再揭開你個傷口，你都會驚啦！」由此可見伊健十分愛護GiGi，深怕別人一再提起此事。
但另一方面，伊健亦深明藝人要有額外的付出，他無奈地說：「做藝人就係咁㗎啦，好多時感情事都要公開俾人知，其實我覺得當時好多人會認為我唔啱，但若果同一件事發生喺佢哋身上，佢哋都可能會同我一樣咁做。」
問伊健目前與邵美琪是否再見亦是朋友？他一方面指不願多談私事，另一方面亦希望大家不要不斷重提舊事，他說：「多謝晒大家關心，事實上人係會好快忘記一啲事，只不過途中有人會不停將件事重複又重複，我亦知道以後都可能會繼續有人講，我自己就唔想重複講呢件事，我亦都明呢一個就係做藝人嘅代價。」
現已三十六歲的伊健仍未考慮與GiGi拉埋天窗，他笑言其兄妹已結婚，所以家人一直都沒有催促他早日成家立室，伊健笑說：「我阿哥同細妹都結咗婚，阿哥連BB都生埋啦！所以屋企人都唔會迫我，我同GiGi都冇講過呢個話題，或者我會等到事業有成先會考慮，可能到四十歲先至會諗結婚都唔定。」
