葉璇、郭晉安和李亞鵬等，最近在無錫拍攝台劇《天下第一》，三位主角近日先後受傷，安仔不慎爆嘴，而葉璇和李亞鵬則分別因傷腳而被迫撐柺杖拍攝。
葉璇、郭晉安、劉松仁、王菲緋聞男友李亞鵬和台灣演員霍建華等，最近在無錫拍攝台灣電視劇《天下第一》，該劇開工已一個月，但卻禍不單行，葉璇、安仔和李亞鵬等演員先後因拍劇受傷，幸好情況並不太嚴重，並沒影響到拍攝進度，眾演員為祈求拍攝順利，近日再一次誠心上香拜神。
有消息指日前在拍攝時，安仔的嘴部爆裂，而葉璇和李亞鵬二人分別弄傷了左腳和右腳，葉璇日前在長途電話中說：「安仔嘴傷都冇乜大礙，我同李亞鵬因為各自唔小心，我就扭傷左腳，佢就傷咗右腳，𠵱家我哋合作都幾好笑，一人揸一支柺杖去片場。」
葉璇在劇中扮演密探，動作指導程小東有見她身手靈活，所以安排了很多動作戲給她演出，葉璇左腳的筋骨早有舊患，但因為她不欲影響拍攝進度，所以一直死頂上陣，結果傷勢亦愈來愈嚴重。
葉璇說：「我日前去咗醫院，醫生同我照過，佢開咗止痛藥畀我，但就勸我要多休息。導演都好體諒我，佢問我可唔可以坐輪椅開工，行行企企嘅鏡頭就由替身負責，我都唔想影響大家，結果都答應咗劇組。」
採訪：比華利
