陳小韻與黃家諾有過一段情，但兩人分手後，黃家諾卻與比前女友年長十四歲的關之琳拍拖。對於有報道指黃家諾有依靠女友生活之嫌，陳小韻日前表示若黃家諾是追求物質的話，便會對他「失去尊敬」。
陳小韻當年與黃家諾（Jimmy）拍拖，她形容當時與對方拍拖兩年多的感覺，是「從未試過咁開心」。日前陳小韻接受本報記者訪問時，就強調黃家諾是與她分手後，才跟關之琳（之之）拍拖，故之之絕非第三者。
之之現年四十一歲，黃家諾選擇了一個比前女友年長十四年的女人做女朋友，二十七歲的陳小韻又會有怎樣的感覺？她淡淡地說：「我一直覺得之之好靚，佢同之之拍拖好unreal（唔真實），嗰時我都好震驚。」
不過，黃家諾與之之拍拖後，有報道指他入住對方的跑馬地利安閣豪宅，坐對方的平治座駕出入，有依靠女友生活之嫌，陳小韻對此說：「Jimmy從來畀我嘅感覺唔係追求嗰樣嘢，佢係一個好人，對物質要求唔大。分開之後，我係有聽過一啲Jimmy嘅嘢，如果佢真係咁（追求物質），我會對佢loserespect（失去尊敬）。」
陳小韻聲稱與黃家諾分手，原因是大家目標不同，她很喜歡工作，黃家諾卻是懶懶閒的人。陳小韻說：「嗰時我屋企發生好多事，我哋一齊去咗美國，紐約使費好貴，我哋都唔會追求啲乜，坐吓巴士，行吓街，但我從未試過咁開心。但後來我選擇留喺美國，佢就返香港，大家嘅方向同目的唔同，我好多嘢要靠自己，自己要處理好多財政問題，好大壓力，而佢成日都要過啲好優閒嘅生活，所以最後就分咗手。」
為了生活目標而放棄戀情，陳小韻會不會感到可惜？她笑了笑說：「都冇嘅，次次拍拖嘅男朋友我都好鍾意，因為一齊嘅時候好開心。」至今為止，黃家諾是否她最愛的男人？陳小韻想了一想才說：「佢𠵱家有女朋友，我唔想答你呢個問題。」
採訪：朱倬誼 攝影：陳志嵐
化妝：AndyLeung
髮型：WilsonWong（Chin.G）
場地：JOE'SYAKI
