琦琦與任達華上月到北京旅遊三日，慶祝華仔在金紫荊獎勇奪影帝，碰巧金像女星雲妮絲惠嘉在北京宣傳電影《亂世情天》，華仔夫婦亦有出席在中國會舉行的私人晚宴，與雲妮見面。
琦琦昨日表示首次見雲妮，她說：「佢好nice，好好傾，最得意係佢真人把聲同《芝加哥》一樣咁嗲，笑起嚟好甜、好嗲。佢唔係超級靚女，但就有一份獨特的charming。因為我着咗高跟鞋，佢次次影相都兀高腳，佢話拍完《BJ單身日記》續集，所以瘦番好多。」
任達華則與金像導演安東尼明格拉暢談電影，更介紹對方到新疆、雲南取景。此外，琦琦早前在家中落樓梯時不慎扭傷足踝，被迫缺席Dior騷，現時仍留家中休息。
採訪：DebbieLum