房委會嘅決策分分鐘影響住六十幾萬戶公屋居民，所以，佢哋每次開大會，都會有好多八方嘅行家去採訪，大家成日都會喺會議之後追住基層背景嘅委員王坤嚟問嘢。噚日房委會公布各委員喺○三?○四年度出席會議嘅紀錄，王坤果然榮膺出席王，出席率達百分百，同樣係出席王嘅重有陳家樂。至於身兼房委會主席，同埋房屋及規劃地政局局長嘅孫明揚，當然係每次開大會都有到場。
身兼立法會議員嘅委員，有飛天朱之稱嘅朱幼麟，同擁有好崇高學術地位嘅港大經濟及工商管理學院院長王于漸，佢哋分別喺六次房委會大會中，只出席咗一次。唔知係咪大人物太繁忙，真係難以兼顧，抑或係重質唔重量，出席率低貢獻依然咁大呢。
除咗王坤（圖），孫明揚同陳家樂都係次次開大會都到。
傳真︰2623-9278
電郵︰