現年三十五歲的王馨平自大前年結婚後，一直過着少奶奶的生活，工作量亦不多。日前王馨平偕夫在灣仔出現時，卻見她身形暴脹，腰部渾圓，惹來大肚疑雲，雖然她馬上否認懷孕，不過卻透露已辭去無綫的工作，開始不設防積極造人。
前邵氏武打明星王羽愛女王馨平，於大前年下嫁從事金融業的丈夫Stephen，二人結婚至今將近三年。
日前王馨平偕夫在灣仔海景萬麗酒店出現時，只見穿上一襲OL套裝的她身形暴脹，令人懷疑她夢熊有兆。
當晚所見，王馨平腹部隆起，腰部渾圓，雙臂雙腿也頗為粗壯，而她在丈夫及兩名朋友陪同下登上平治座駕，並由她充任柴可夫接載大夥兒離開。
記者日前致電王馨平問到她是否懷孕時，她笑說：「唔係，乜我肥咗咩？我有打高爾夫球同網球㗎，但比起我做歌手嗰陣時，𠵱家係肥咗一、兩公斤嘅。」
再問到她有否生育大計時，王馨平說：「啲朋友同我哋講，話結咗婚之後要畀啲時間大家過吓二人世界，唔使咁急生BB，𠵱家都過咗兩年幾二人世界，我哋都覺得係時候生BB，最近我開始不設防，不過我又冇話畀壓力自己嘅，順其自然啦。」
為了積極造人，王馨平坦言已向無綫提出請辭，目前她為TVB8頻道擔任節目主持的工作，到本月底便會離任。
王馨平說：「我做埋呢個月就唔做，當初我做呢份工係諗住當parttime（兼職），但做咗之後發現唔夠時間打波，加上無綫重加多咗工作，我達唔到人哋要求，亦都唔想要求人哋，所以就決定唔做，等自己可以準備生仔，同埋有多啲玩嘅時間。」
採訪、攝影：楊潔雯、娛樂突發組
