伊健一直甚少提及家人，原來他堅持每星期都抽空回家與家人吃飯，他說：「我知自己有時忙到連同屋企人見面嘅時間都冇，不過我平均每星期都會同佢哋食餐飯。」問伊健其家人在他事業低潮時如何支持他？他說：「事業嘅高潮唔代表你攞好多獎就係高潮，我屋企人都係咁諗，佢哋覺得只要我做嘢做得開心、畀心機做就得。」
對於已經離世的師傅羅文，伊健表示從對方身上學到樂觀面對一切，他說：「我好欣賞師傅嘅做人態度，佢知道自己有病時都會成日叫我哋唔好喊，重同我哋講佢一定會好番。
「佢曾經同我講過人生匆匆幾十年，如果每件事都顧慮得太多先去做，反而會錯失一啲更加珍貴嘅嘢。」
採訪：李珮洳
攝影：陳慧安
化妝：FannieChan
髮型：Will（Headquarters）