梁漢文（Edmond）日前獲加州紅卡拉OK選為「歐洲國家盃推廣大使」，並於卡拉OK內拍攝宣傳短片。Edmond表示自己亦喜愛與一班朋友於卡拉OK看球賽，他說：「唔會嘈到人，又可以成班朋友又食又叫。」
未知Edmond可曾與女仔一齊踢波？他即說：「有一次咁啦，不過係個恐怖經歷。」
Edmond續說：「因為同女仔踢，所以會就住踢，點知個女仔就唔理你咁多，一嘢鏟埋我小腿度，好彩我有護住隻腳，唔係就真係會跛！」問他可介意女仔腳粗似甲組腳？他即笑說：「踢波係健康，介唔介意就要睇吓係做咩囉，如果做朋友嘅話就冇問題，但係做老婆嘅就唔好啦！」
採訪、攝影：陳梅香