李彩樺和商台DJ森美合作《我要做Model》後成為好友，日前兩人相約同遊星光大道時，竟然與陳寶珠的手印猜枚，又在攝影師的銅像前扮拍動作片兼坐導演大髀，未知是否因為拍搞笑片拍到上身。
李彩樺（阿Rain）與商台DJ森美最近因在電影《我要做Model》中合作而變得熟絡，二人日前相約同遊星光大道搗蛋，表現頑皮，不但在攝影師銅像前拳來拳往扮拍動作片，又坐在導演銅像上拍照，及後更與陳寶珠在大道上所打的手印猜十五二十，充份表現搞笑本色。
在電影《我要做Model》中，森美飾演模特兒，為了配合劇情需要他會刻意減肥及露點，為藝術而犧牲。
森美更即場示範在戲中他刻意模仿男模黃家諾抿嘴的神態，他說：「我有留意佢影相嗰時抿起個嘴，不過佢嘅嘴唇薄啲，我個嘴唇厚就好似有啲鴨嘴feel。喺戲裏面我同李燦森（阿Sam）着咗件葉子楣着過嘅魚網bratop，原來我個胸重大過佢，所以咪露點囉！阿Sam形容我哋係美點雙輝。」
阿Rain在電影中則飾演一名性格較cool的模特兒，十五歲便入行做模特兒的阿Rain演起來自然是駕輕就熟，問她近期工作不斷是否已還清父親欠債，她說：「𠵱家重欠啲親朋戚友錢，加埋都有六位數字。」
此外，阿Rain前晚在灣仔出席新片《驚心動魄》首映，對於近日被雜誌拍得跟蕭若元長子蕭定一在車內親吻，阿Rain說：「係角度問題，我同佢識咗一年，我feel唔到人係咪追我，我哋只係好朋友。」
Hair：Vince@IIColpo（森美）
Bluedy@HipHairCulture（李彩樺）
Makeup：Deberah（李彩樺）
服裝：森美
