風扇大王翁祐本月二日喺寓所吊頸身亡，噚日適逢佢創辦嘅蜆壳電器召開股東周年大會，由佢大仔、亦係集團現主席翁國基主持。翁國基安排大會開始時首先默哀一分鐘，以表揚翁祐作為公司創辦人，對公司及社會所作出嘅貢獻。
八方見到其他同翁老相交數十年嘅董事，好似李東海及倪少傑等亦頗為神傷。翁國基同八方話，由於老父早於去年七月已退任為名譽主席，公司嘅發展方向同政策亦已訂定，唔會因為老父去世而改變。
按翁老嘅心願，翁家日前刊登咗翁老遺書，文中指佢厭世係怕年邁病痛來臨，最為難受，因此要先去，重叫好友體諒。翁大王真係好風度，退得咁瀟灑，值得阿董學習。翁老享年七十九歲，因為蜆壳電器一度係全球最大嘅風扇生產商，因而贏得「風扇大王」美譽。
傳真︰2623-9278
電郵︰