鍾麗緹（Christy）、方中信和陳達志（Ba叔）等前晚往看新片《驚心動魄》首映，一身性感打扮的Christy熱情奔放，除了跟該片投資者Ba叔嘴對嘴打招呼外，又向他的耳朵吹氣，甚具挑逗性。
由蔡力監製、邱禮濤執導、陳達志投資，方中信和鍾麗緹主演的電影《驚心動魄》，前晚在灣仔會展舉行首映禮，李麗珍、李彩樺（Rain）、侯莎莎、Cookies和朱永龍等均有出席。
Ba叔向傳媒大派歌神許冠傑的平價演唱會門票，大受歡迎。有報道指Ba叔和朱永龍因爭捧侯莎莎而不和，三人前晚大方合照。Ba叔又拉着Christy接受訪問，他搭着伊人膊頭時，手不慎碰到Christy腋下近胸部的敏感位置，Christy又主動跟Ba叔嘴對嘴打招呼。當記者表示拍不到照片，Christy主動再錫Ba叔的臉，事後她又被發現向Ba叔耳朵吹氣。
穿上低胸裙子的Christy前晚說：「係我六歲嘅囡囡幫我揀嘅，佢好有眼光，佢亦好貪靚，我都有買套化妝品畀佢。希望咁着可以帶旺部戲。」
此外，有報道指Cookies成員Stephy跟九巴後人雷德賢拍拖，前晚她說：「唔係，上次睇小春演唱會，佢咁啱坐喺我隔籬，係Angela介紹我識，但唔熟。」有指對方為她租屋，Stephy說：「佢幫我畀就唔使咁辛苦。」
而近日有周刊報道李麗珍跟髮型屋老闆JackyMa計劃結婚，珍妹剛在橫店拍完劇集《仙劍傳說》，向珍妹求證婚訊，她說：「我冇睇報道，唔知喎。不過我最唔開心係記者走去採訪我個囡囡，好彩冇嚇親佢，我個女點會同陌生人講嘢。」
採訪：魯萍 攝影：陳偉權
