呢排油價上漲，國泰航空股價跌到一仆一碌，但噚日收到公司嘅公布，原來佢哋俾美國旅遊雜誌《RobbReport》選為「全球最優越航空公司」（BestoftheBest）。據公布所講，呢個獎係根據世界各地嘅旅遊作家同編輯，喺過去一年所作嘅獨立報道而揀出嚟嘅。有關國泰嘅評價包括，為頭等艙乘客提供寬敞空中卧椅、選擇豐富嘅空中膳食、一流貴賓候機室同埋殷勤服務等。
八方同大家一樣，只係坐開經濟客位，所以除咗膳食及服務有同感，重有覺得空姐好靚，其他兩項就唔多清楚，不過，坐經濟客位嘅服務都唔差，相信頭等艙會時時撞見董A1，有機會見識啲空姐點樣幫佢執地下啲報紙，風景十分詭異。會有更好享受。無論點樣，一間本地航空公司得到世界第一，總算係港人之光。
傳真︰2623-9278
電郵︰