毓民封咪，名嘴迫害大行動，全港震驚，唔止商台，連港台《自由風自由Phone》嘅女名嘴張笑容，最近亦神秘「調職」。港台內部風波，話笑姐最近得罪咗民建聯馬力，佢喺節目之中追問馬力，點解早嗰輪支持普選，到咗中方釋咗法，又改口話「尊重中央決定」？張笑容追問：「劉慧卿話過，尊重台灣人嘅意願，唔等於承認，咁你哋又承唔承認釋法係符合基本法？」問到馬力口啞啞，張笑容又話：「你哋啲立場成日變，叫人點選民建聯？」馬力憤而收線。
事後，立法會吳亮星打電話畀廣播處長朱培慶大罵一通，冇幾耐之後，張笑容就接到通知，先放產假，再調職網站。嘩，唔通吳亮星做咗太上廣播處長？八方問港台人士，對方猛咁否認受壓力，話張小姐只係待產。又係喎，呢個BB出世，真係夾啱時辰嘞。
傳真︰2623-9278
電郵︰