容祖兒將於日內推出個人VCD，碟內收錄了祖兒入行以來不同階段的變化，亦有祖兒扮雞及玩瑜伽的搞笑片段。當她談及難與在日本工作的男友見面，要靠電腦傳情時，竟不禁落淚，更大歎很孤單！
容祖兒入行快將五年，她將於後日推出首張個人VCD《容我說全記錄》，碟內收錄不少祖兒的演出精華、工作花絮及生活片段，亦有其深情自白，當她提及在日本工作的男友時，更一時感觸落淚。
祖兒表示與從未曝光的男友已拍拖兩年，她現在忙於工作，能夠拍拖已算是額外獎賞，但亦因為太忙，她覺得自己談戀愛對另一半很不公平，這時她已哽咽着說：「我哋嘅生活環境唔同，地方唔同，好多時要透過電腦畀大家支持，開心唔開心，都係喺電話講，其實有時幾孤單，唔可以真真正正見到一個人，可以一齊嘅時間唔夠，工作霸晒我嘅時間，對方幾慘㗎，我冇諗過將來可唔可以一齊，喺呢一刻，好多謝佢喺呢兩年裏面畀好多支持我。」
而祖兒談及母親時，亦一度紅着眼說：「好多時候，我因為一句說話好衝動而激嬲媽咪，媽咪永遠唔會嬲，好體諒我，重成日幫我講好說話，話祖兒一定係好攰、好辛苦，畀佢發下脾氣啦！我希望永遠唔發脾氣，好多謝媽咪咁錫我，我都好錫佢㗎！」
VCD也輯錄了祖兒不少扮嘢搞笑鏡頭，例如她扮雞、扮貞子爬出電視機、扮張國榮唱《大熱》、扮李小龍打拳及起飛腳等。
另外，眾好友亦大談對祖兒的感受，如蔡卓妍大爆祖兒腳板「鞋」，Boy'Z的Steven讚祖兒是個細心的女朋友，而祖兒的初中男同學蘿蔔更大爆有次祖兒在沖涼時突然打電話給他，他笑說：「佢話我𠵱家沖緊涼，你有乜嘢遐想呀？救命！」
此外，祖兒早前在英國倫敦拍攝~H2O+廣告時，穿上大露背裝在當地的郊區山崖邊拍攝，其間祖兒因人有三急，要由工作人員築起人牆以布遮掩，事後祖兒笑稱是第一次在山邊方便，感覺尷尬但又很刺激。
採訪：朱倬誼
