入境處集合多項高科技同多用途嘅智能身份證，最近奪得有智能卡業界奧斯卡獎項之稱嘅「推行智能卡科技突破大獎」首屆得主，身為智能身份證計劃大旗手嘅入境處助理處長（資訊系統）黃威文同八方講，香港擊敗咗十二個對手包括美國國防部同台灣等，可以話係「香港人嘅光榮」，佢話奪得呢個獎，全靠入境處嘅同事，同埋參與發展呢個計劃嘅公司咦，唔記得加一句有祖國十三億人民做後盾，黃處長嘅政治智能有啲問題喎。
早前有市民投訴智能身份證嘅晶片出現氧化，黃Sir話前日同晶片公司傾過，發現係外來物質黏住晶片先會出現氧化問題，與晶片本身物料無關，但係乜嘢外來物質影響晶片氧化同點樣解決呢個問題，黃Sir話要等晶片公司出報告先知嘞。
（圖）攞住獎座嘅黃威文同一班入境處同事對奪得「推行智能卡科技突破大獎」視為激勵。
傳真︰2623-9278
電郵︰