黑人女星荷爾芭莉（HalleBerry），之前拍過兩部《變種特攻》都叫好叫座。最近電影公司話想開拍《變》片嘅第三集，點知荷爾竟然扭計，話若果唔將佢啲戲份加重，佢就隨時劈炮喎！其實我羅拉都好明白荷爾攞完金像影后之後，身價已經今時唔同往日，啲監製見荷爾𠵱家咁有叫座力，又點敢當佢冇到？最終雙方面亦傾得埋，聽講套戲喺下年就會開拍。