楊思琦、周麗淇、廖碧兒、鄭嘉穎昨日齊往荃灣，為日本料理八太郎剪綵，穿上tubetop短裙的楊思琦，吸引不少日本料理師傅用手提電話替她拍照留念，思琦說：「我都係着一啲啱場合嘅衫，最近我特登轉髮型，同埋睇多啲時裝書。」
至於打扮比較簡便的周麗淇則說：「我覺得自己今日好隆重，人哋係香港小姐，係靚女，焦點擺喺佢哋身上我都冇辦法，其實我都特登有儀態啲，今日我條腰都企直啲，唔會輸得晒！」
此外，廖碧兒表示正為許冠傑的演唱會準備，每日忙於練歌和跳舞，她說：「原來我父母都係阿Sam嘅fans，希望到時有飛，如果冇嘅話，我媽咪話會扮我助手跟我入後台，近距離同阿Sam接觸。」
採訪、攝影：楊潔雯