主演電視劇《24》而鹹魚翻生嘅美國男星基夫修打蘭（KieferSutherland），日前正式入稟法院，要求同佢結咗婚八年嘅老婆姬莉（KellyWinn）離婚。其實佢兩公婆喺九六年結婚，不過喺九九年時已經分居。基夫入紙時話，佢同老婆有好明顯嘅分歧，所以無法繼續婚姻。我羅拉覺得基夫要搞手續就快啲，因為如果佢兩公婆結婚超過十年，贍養費又唔同計法㗎啦！