呢排，和黃谷3G可謂不遺餘力，八方日前講過有新廣告，噚日佢哋又宣布同食家蔡瀾合作，推出頻道專講食經。蔡瀾同八方講，日後大家睇住手機下載嘅介紹短片，入到舖頭可以叫佢哋照住整一模一樣嘅食品，肯定唔會怕貨不對辦。和黃噚日喺紅磡蔡瀾美食坊嘅楊家菜門口公布此事，重搵埋近期做埋主持嘅名模楊琤一齊出席。
另外，和黃同日講埋推出全新NECc616V升級視像手機，同舊機主要分別係有個三十萬像素鏡頭，基本售價當然照舊；同期推出一個新優惠，若推介新客戶，新舊客買新機均有折扣，回贈金額要視乎用邊種月費計劃。
（圖）見到蔡瀾（右）就知道有得食有得玩，今次佢同3香港合作，推出「蔡瀾天地」頻道。
傳真︰2623-9278
電郵︰