年初離開與小小超結束賓主關係、離開電盈嘅青樓名妓張永霖，好多人都想知佢嘅埋街動向。噚日名妓喺中國聯通股東大會上出現，並獲股東會委任佢為獨立非執行董事。王建宙話，委任「張小姐」，係因為佢喺電訊行業有多年經驗，喺財經界又有好大影響力，相信日後有助聯通嘅發展及改善公司管治，維護股東利益。
八方問名妓會唔會再打工，佢話自己打工三十年，體無完膚，身心俱殘，唔打算再做，亦冇諗過做生意，只係希望繼續「服務社會」。佢又話出任聯通獨立非執行董事，主要職責係保護股東利益，特別係小股東。但據聞名妓離開電盈嘅酬金數以千萬計，加埋佢投資有術，應該可以名留妓史。
傳真︰2623-9278
電郵︰