由杜琪峰導演、張家輝、任賢齊和陳慧琳主演的《大事件》將於下周五在康城首映,屆時家輝與陳慧琳亦會出席,昨日家輝啟程到廣西拍攝無綫劇集《天涯俠醫》外景,臨出發前他表示:「我好開心可以出席康城影展,我對《大事件》有好大期望,呢部戲我好搏命,有好多危險動作,我都唔介意親身上陣。」
在拍完《天》劇的外景後,家輝便會趕赴康城,他說:「我之前已經買咗成二十萬衫去康城,連踢死兔都買埋嚟行紅地氈,唔知點解會咁緊張?可能因為第一次有機會參加呢類國際影展。」
在《大》片中,家輝飾演一位重案組督察,為人衝動,一心要捉大賊,其中有一場講述家輝追捕大賊小齊,在馬路上被貨Van迎頭相撞,此場戲家輝便親身上陣。