警隊「一哥」李明逵噚日同八百名青少年真情對話，有唔少青少年都問得好尖銳，質疑警方處理示威手法，有學生更老實不客氣咁批評一哥九七回歸當年用交響樂掩蓋抗議聲音係剝奪人權，真係後生可畏。
有學生又問「一哥」咁忙，有冇時間陪屋企人，一哥好感慨咁話佢年輕時都要東奔西跑，個仔好細就被送到寄宿學校讀書，佢睇唔到個仔嘅成長，到𠵱家想追返呢啲體驗，但個仔已經長大成人，想追都已經追唔返，成為佢人生嘅遺憾，一哥奉勸青少年要緊記人生有三份工作，就係「（裝備）自己、（努力）工作同（陪伴）家人」，佢話「千祈唔好忽略屋企人，要搵時間陪佢哋。」估唔到鐵漢都有柔情一面。
傳真︰2623-9278
電郵︰