大家唔好睇型男淺野忠信，成日玩埋啲前衞嘢，原來佢同一般住家男人一樣，都鍾意陪細路仔玩㗎。喺上個月尾，淺野靜靜雞去咗涉谷一間兒童畫室，做咗一日阿sir教小朋友畫畫，而且同場重有佢讀小學嘅大女㖭。不過淺野話呢啲只係興趣班，小朋友抱住輕鬆啲嘅態度就得，所以佢都冇特登準備啲乜嘢題目，佢話：「大家鍾意畫乜就畫乜啦！」如果考試都可以係咁就一流啦！