噚日特許公認會計師公會頒發「可持續發展報告大獎」，係香港第一個頒呢類獎項。所謂可持續發展，其實關乎經濟、環境同社會三方面表現。前日，國務院總理溫家寶喺倫敦同英國首相貝理雅會面，雙方同意加強兩國就環保及可持續發展嘅重大戰略問題進行磋商，可見呢個概念呢期好流行。
講番大獎，公會就頒咗畀四個機構，其中地鐵公司攞咗最佳可持續發展報告，話佢哋編製嘅報告跟足國際準則，又清楚列明企業目標及遇到嘅挑戰；優異獎就由建築署奪得。至於環保報告獎，最佳機構係中華煤氣，優異獎由房委會奪得。噚日大會請咗社聯行政總裁方敏生做頒獎嘉賓，睇見方小姐成日𠵱起棚牙，十足佢堂家姐陳四萬。
（圖）方敏生噚日做頒獎嘉賓。
傳真︰2623-9278
電郵︰