黃佩霞和陳嘉容昨日出席護膚品活動，以超性感打扮出現的黃佩霞頓成為焦點。提到有報道指做瑜伽會引致中風，黃佩霞強調其經營的瑜伽中心教導學員時會適可而止，每個動作只維持八至十秒，健康之餘危險性亦不大。
黃佩霞和陳嘉容昨日往金鐘港島香格里拉酒店出席Sharys護膚品活動，這個品牌在國際名氣不弱，荷李活女星如畢彼特（BradPitt）的妻子珍妮花雅麗絲頓（JenniferAniston）、姬妮芙柏露（GwynethPaltrow）和湯告魯斯（TomCruise）前女友彭妮露古絲（PenelopeCruz）均是擁躉。
黃佩霞自母親節當日「一湊三」帶同女兒、男友兒子及妹妹兒子出席活動後，昨日不用做「湊仔婆」，即回復一身性感時代女性打扮，狀態甚fit的她，搶盡名模陳嘉容及司儀黃宇詩的風頭。
黃佩霞透露七月將開設佔地二萬呎的瑜伽中心，她說：「下個禮拜我重請咗喺美國好出名、連Madonna同Sting都跟佢學瑜伽嘅大師DuncanWong嚟香港指導吓啲學員。」
早前有報道指有人做瑜伽引致中風，黃佩霞說：「我就未聽過我啲學員出過事啦，𠵱家出面咁多瑜伽中心，質素無可避免都會有參差嘅，不過凡事過量都唔好，我哋只會教人維持一個動作八至十秒，危險性應該唔大嘅。」
而陳嘉容表示知道該護膚品牌連荷李活女星都有使用時，她說：「我一向都搵緊啲高質素嘅護膚品，我因為工作關係化咁多妝，一定要好好護理吓，尤其係雙眼㖭，因為眼紋會出賣一個人嘅年齡秘密。」
採訪：RitaLeung
攝影：EdwardChou
