早排AMD搶飲咗64bit處理器頭啖湯，氣勢一時無兩，老大哥Intel梗唔會坐以待斃，雖然新處理器唔再用「bit」數嚟較量，不過就突破過往極限，以90nm（納米）製程威番次，同場重有八大公司「泊碼頭」，齊齊宣布推出對應機種造勢㖭。
記者：朱崇德 攝影：陳偉強 ImageGirl：小蕙
潮流興納米，連護膚品都大叫納米萬歲，咁究竟有乜咁巴閉？其實納米係一個極微細嘅單位；舊式第一代的Centrino處理器只是使用了0.13Mircon製程（1Micron=0.000001Meters），至於今次新一代的Centrino處理器，則使用了更精細的90nm
製程（1Nanometer=0.000000001Meters），所以絕對可以用兩代完全不同技術看待；做到咁細好處之一，除咗令體積進一步縮細外，重可直接減低電壓，耗電量低咗即係更為慳電，而且對散熱亦有幫助。
就小記在新7系Centrino發布會試用經驗所得，DVD播放、上網、多媒體工作，甚或多項程式同時啟動，在試用上感覺都非常順暢，或者再甚者，現時至人氣的Online遊戲《天堂II》，系統最高要求亦只不過是1GHz或上，如非有特別需要，唔夠用之說，可能只是一個心理關口！至於大家另一個關心的問題，相信是拔去濕電，使用乾電時必須進入的省電模式；雖然新P-M最高時脈速度達2GHz，不過所有型號機種處於電池最佳化模式嘅話，速度統統降為600MHz，唔再係以前咁「跌」一半咁簡單，對於2GHz型號嚟講似乎有啲「搵笨」之嫌。
單單夠用，未必可能叫大家心動！須知７系Centrino處理器一直是專為針對流動用家設計，慳電襟用將會是佢另一大賣點；由於處理器使用了90nm的新製程，再加上將L2快取記憶體，由1MB提升至2MB，令整體表現快舊型號17%之餘，省電效能亦作出了提升，以往舊Centrino標榜的超過5小時使用時間，新版亦提升到超過6小時，以一人每日工作時間8小時，扣除食飯及開小差時間，真係攞佢出街開一日工都得，甚或睇4套DVD都夠用！
此外，呢顆7系Centrino亦是Intel首粒同時支援雙頻無線制式的處理器，就現時香港Notebook生產商定單所知，主要是對應802.11b（11mbps傳輸率）及g（54mbps傳輸率），所以大家從此一機在手，就可以周街上網享受極速快感。
如果功能接受，大家另一關心問題相信就是價位問題，現知香港有Notebook生產商BTO，將一部P-M745、ATIRADEON9600、256MBRAM、15”LCD、40GBHDD、DVDCombo規格的Notebook，開價$14,000左右，講真呢個價錢𠵱家只可買部差唔多規格嘅Centrino1.6GHzNotebook，感覺是相當夠用又抵買；7系Centrino引申的另一個問題，就是Upgrade！現知7系同舊版Centrino使用同樣針腳式設計，不過就只對應Intel855GME晶片組，環顧現時市面CentrinoNotebook，就只有極少數有此配置，相信可以自行升級人士唔多；另外，在此順帶一提，對應新機將會在個多星期內推出，行內人估計舊版Centrino1.4GHzNotebook有機會下試$10,000或以下水位，如果想執平貨，又係大家出動嘅時候！
跟之前Intel話出Centrino一樣，一有新處理器推出，就代表有新嘅商機，各大Notebook生產商梗係跟住上啦，所以發布會同場就一口氣展示咗8部新機，可以話係04下半年嘅新機預覽。
處理器GHz數大就是美的觀念，一直打入電腦買家的心，君不見現時市面的P4Notebook已逐去3GHz或以上進發，可能大家心裏會問，點解重要在2.0GHz之上糾纏呢？Intel就是明白大家心理，所以將呢粒咁劃時代嘅Centrino處理器，再唔係以GHz嚟劃分，改為一組三個數字，而嚟緊第一批將會有三款處理器打頭陣。
代號 時脈速度
P-M755 2.0GHz
P-M745 1.8GHz
P-M735 1.7GHz
King's屬香港Notebook製造品牌；以15”LCD嚟講，以佢超薄同2.5kg的重量，實在是同級中最輕級，由於P-M755（2GHz）暫時未有到貨日期，P-M745（1.8GHz）已是現時最極速，配埋RADEON9600同DVDCombo都係$13,900，好似有心平價力撐呢粒新CPU喎！
處理器：P-M745（1.8GHz）
華碩Notebook機身真係越嚟有大廠風範，論堅固及纖巧程度，真係好多國際品牌都要被比下去，呢部初版新機用上了流動硬件中最頂級，加上螢藍指示燈和閂機都可以播碟嘅多媒體播放鍵，真係可以玩盡呢粒新CPU！
處理器：P-M745（1.8GHz）
HP這部駐場7系CentrinoNotebook，以差不多多A4尺寸，加上纖薄機身非常引起注目，機身配置唔錯，加上佢慣用嘅底盤式Docking光碟機設計，令機身變得更輕巧，流動性十足。
處理器：P-M745（1.8GHz）
呢部TARGA亦係非常惹人留意之機，處理器使用P-M735（1.7GHz），雖機身稍厚但加入DVDCombo同CF讀卡器，好實用啫！
處理器：P-M735（1.7GHz）
薄身機加15”大LCD，好明顯是朝行政人員需要而設計；DELL一向都係以你落單我即砌聞名，所以大家所見機身規格未必最強，正如粒新U一樣，設計以大家夠用為原則。
處理器：P-M745（1.8GHz）
同DELL一機，IBM呢部7系Centrino都係用薄身加大LCD，走行政路線；IBMNotebook一向以穩定耐用見稱，今次新U一出馬上加盟，可見技術應該相當成熟。
處理器：P-M735（1.7GHz）
Centralfield係一個港式腦場砌機品牌，由於經濟實惠加商譽好，到今日發展出自己牌子；硬件配置都以實用為主，最喜歡佢加入MS/SD/MMC三用讀卡器於機身，玩DC一族最歡迎。
處理器：P-M735（1.7GHz）
咁多部機中，唯一以TOPSTAR呢部機內置有WebCam功能；試用時反應都算快，冇乜「力」機情況；再睇真啲，原來冇另加顯示卡，果然強勁。
處理器：P-M745（1.8GHz）
