春去夏至，話咁快夏季化妝品已陸續登場。美法日品牌，爭先推出夏日妝容，色彩繽紛或閃爍性感，各色各樣主題多元化，唔似春天一面倒玩粉紅。而今年初夏雖未有所謂頂頭大熱妝容，但有化妝名牌力捧，暫時跑出領先就有閃亮迷人嘴唇。即係齋搽閃亮唇彩都未夠，襯埋唇膏營造豐潤感覺先至掂。唔慣夏天咁厚妝？有化妝大師醒你效果自然的塗搽貼士，跟得過！
記者：梁珮瑜
攝影：蔡鴻雯、周旭文
模特兒：Bessie
髮型：Kurt@tripleedge
名牌化妝大師RezaZaimeche，於01年加入時裝名牌GiorgioArmani化妝品隊伍，成為品牌國際首席化妝師。而Reza早在85年於巴黎ArtisticSchoolChristianChauveau畢業後，已開始為多個名牌效力，其中包括Dior、Chanel及Shiseido等。擁有十多年豐富經驗的名牌御用化妝師，今次來港示範妝容，絕對係猛人教路。他以煮飯比喻化妝，認為掌握到顏色運用就等如識得運用食物的Sauce，更認為亞洲女士與西方女子的化妝技巧或用色其實無太大分別，注意幾點就可以隨手化靚妝！
Reza認為豐盈閃亮的唇部化妝，是今個夏日妝容的重點，薄唇厚唇都可以一試。要有如此效果，你會塗完唇膏再搽一層LipGloss（唇彩），但大師教路：唇膏唇彩兩溝，效果更靚更好玩。
打好個底最重要，但點先至可以做到粉底自然貼薄，實在係好多女士的煩惱。請你留意以下打底步驟，尤其重點貼士「靠印」，要妝容持久兼貼服都係靠佢。
保濕護膚品→Make-upbase→用海綿均勻塗上粉底液→用化妝掃由面部中間向外掃令粉底更自然→用粉撲印面令粉底更貼服→用大號化妝掃掃上透明碎粉定妝
亞洲女性最恨就係輪廓分明，尤其靈魂之窗，立體感好重要。要令雙眼更大更明亮，記得使用Reza推介的基本功。
1.以自然啡色眼影代替眼線筆掃下眼線，效果自然。
2.以自然的Highlight顏色掃眉骨位，如粉紅或肉色，可增加眼睛立體感，唔會太誇張。
3.塗眼影要用化妝掃，輕輕在眼窩位置打圈掃上。
4.必定要塗睫毛液或睫毛膏。
不少模特兒、化妝師，都讚Armani化妝品的確唔錯，而本人亦推介粉底液係必定要試！
CHANEL夏季彩妝名為「粉紅魅力」，限量推出的化妝品大玩60年代的絲光效果，又以銀灰色調眼影配襯柔和淺淡的粉紅色，大玩對比。而晶亮唇彩配合潤澤唇膏，除了有閃爍亮澤的感覺，更可營造出閃粉紅或金光效果，保證搶眼！
霜質地幼滑、含絲光色澤，色調以灰色為主。
各$155
AVEDA新配方亮澤唇彩及有色防曬潤唇膏，含提煉自紅菜頭、胡蘿蔔及海藻的抗氧化物，加上各種有機植物成份，可有效滋潤及修護嘴唇，而閃亮成份亦都係來自天然！
夏季全新6色鮮花及水果甜蜜唇彩，色調似足糖果，而閃亮效果潤澤，同樣可造出水盈感覺。再加上果醬的清香，搽完真係甜到入心！
查詢：
AVEDA（21110023）
CHANEL（22658632）
GiorgioArmani（31881190）
shuuemura（25064283）
